სადიზმის ის ხარისხი, რომელიც „ნაცმოძრაობამ" 7 ნოემბერს (და მისი მმართველობის პერიოდში არაერთხელ გამოავლინა), არის სამაგალითო ყველასთვის, თუ როგორ არ უნდა ექცეოდეს ხელისუფლება საკუთარ ხალხს, - ამის შესახებ პარლამენტის ვიცე-სპიკერმა გიორგი ვოლსკიმ განაცხადა.

„ეს იყო სადამსჯელო ოპერაცია", - აღნიშნავს ვოლსკი.

2007 წლის 7 ნოემბრის მოვლენებიდან 15 წელი გავიდა. სამი დარბევა ერთ დღეს, აქციის დაშლა რუსთაველის გამზირსა და რიყეზე, შეჭრა ტელეკომპანია „იმედში" - სპეცდანიშნულების რაზმმა მომიტინგეების წინააღმდეგ ცრემლმდენი გაზი, ხელკეტები, რეზინის ტყვიები, აკუსტიკური იარაღი და წყლის ჭავლი გამოიყენა. 7 ნოემბრის საღამოს კი სპეცრაზმი ტელეკომპანია „იმედში" შემოიჭრა და არხის მაუწყებლობა გათიშა.