ტყვეების მორიგი გაცვლის შედეგად, უკრაინამ ტყვეობიდან 50 მებრძოლი გაათავისუფლა. ამის შესახებ უკრაინის პრეზიდენტის ოფისის ხელმძღვანელმა, ანდრეი ერმაკმა განაცხადა.

„დღეს რუსული ტყვეობიდან 50 უკრაინელი ჯარისკაცის დაბრუნება მოვახერხეთ. მათ შორისაა, 20 ეროვნული გვარდიელი, 12 - სამხედრო-საზღვაო ძალების მებრძოლი, 10 უკრაინის შეიარაღებული ძალების მებრძოლი, 10 მესაზღვრე და 2 ტერიტორიული დაცვის წევრი", - აღნიშნა ერმაკმა.

აღსანიშნავია, რომ გათავისუფლებულთა შორის მარიუპოლის 19 დამცველია, რომელთაგან 12 ევაკუირებული იყო „აზოვსტალიდან".