ჩვენ ვიქნებით და ვართ იმ ფასეულობებისა და ღირებულებების ერთგული, რომელზეც დგას ჩვენი ეროვნული იდენტობა,- ამის შესახებ საპარლამენტო უმრავლესობის წევრმა, რატი იონათამიშვილმა განაცხადა.

„როდესაც სწორედ ამ დამოკიდებულებების გამო, ვხედავთ კრიტიკას ცალკეული ევროპელი სოციალისტების მხრიდან, ცხადია, ეს არც მისაღებია და დაუშვებელია. შესაბამისად, ლოგიკურია, ჩვენ გვქონდეს ამ საკითხზე მსჯელობა და მსჯელობას მოჰყვეს კონკრეტული გადაწყვეტილებები. ის რეაქცია, რაც აქ რადიკალურ ოპოზიციას აქვს, სინამდვილეში აჩვენებს, რომ ისინი „ქართულ ოცნებას" კი არ უპირისპირდებიან, არამედ ქართულ ეროვნულ ტრადიციებსა და ფასეულობებს", - განაცხადა იონათამიშვილმა.