ბელგია უკრაინას გაყინული რუსული აქტივებიდან 100 მილიონი დოლარის საგადასახადო შემოსავალს გადასცემს. ინფორმაციას ამის შესახებ ტელეკომპანია CNN-ი ავრცელებს.

„ომი რომ დასრულდეს, უკრაინის მიერ დაგეგმილი კონტრშეტევა წარმატებული უნდა იყოს. დამატებითი დახმარება, რომელსაც ბელგია დღეს უწევს [უკრაინას], ხელს შეუწყობს ამას", - განაცხადა ბელგიის პრემიერ-მინისტრმა.

როგორც ბელგიის მთავრობაში აღნიშნეს, აღნიშნული დახმარების ნახევარი სამხედრო მიზნებისთვის იქნება გამოყენებული, მეორე ნახევარი კი მშვიდობიანი მოსახლეობის დასახმარებლად.