ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჯოზეფ ბორელი ამბობს, რომ თუ ოფიციალური პეკინი არ მოახდენს ზეწოლას რუსეთზე, რომ დაასრულოს ომი უკრაინაში, ჩინეთისა და ევროკავშირის უერთიერთობები გაუარესდება:
„ევროკავშირსა და ჩინეთს შორის ურთიერთობა ნორმალურად არ განვითარდება, თუ ჩინეთი არ აიძულებს რუსეთს დატოვოს უკრაინა. ჩვენ მოვუწოდებთ ჩინეთს, როგორც გაეროს უშიშროების საბჭოს მუდმივ წევრს, მოახდინოს გავლენა რუსეთზე, რათა შეაჩეროს ეს ომი და შეასრულოს კონსტრუქციული როლი უკრაინაში მშვიდობისთვის", - განაცხადა ბორელმა სტოკჰოლმში, ევროკავშირის წევრი ქვეყნების საგარეო საქმეთა მინისტრების არაფორმალური შეხვედრის შემდეგ გამართულ ბრიფინგზე.
მისივე თქმით, ევროკავშირისთვის ძალიან მნიშვნელოვანია, ჩინეთმა გაიგოს, რომ რუსეთის ომი უკრაინის წინააღმდეგ საფრთხეს უქმნის მის არსებობას - "ჩვენ ველით, რომ ჩინეთი გამოიყენებს თავის როლს და ვალდებულებებს. თუ ეს ასე არ იქნება, ჩვენი ურთიერთობები არც ისე კარგი იქნება", - დასძინა ბორელმა.