ვანო მერაბიშვილისგან და ზურაბ ადეიშვილსგან, რა თქმა უნდა, უკეთესის მოლოდინი არავის შეიძლება ჰქონოდა, - ამის შესახებ კულტურის მინისტრმა, თეა წულუკიანმა განაცხადა, რითაც „ნაცმოძრაობის" ყოფილი თავმჯდომარის, ნიკა მელიას განცხადებებს გამოეხმაურა.
„ვინც გასაგდებია, აგდებენ ხოლმე. ამ ოდიოზური ფიგურებიდან, როგორებიც ვანო მერაბიშვილი და ზურაბ ადეიშვილი არიან, რა თქმა უნდა, უკეთესის მოლოდინი არავის შეიძლება ჰქონოდა. უკეთესის მოლოდინი ადეიშვილისგან ჰქონდა მხოლოდ ნიკა მელიას, რომელსაც იმედი ძალიან მწარედ გაუცრუვდა", - აცხადებს წულუკიანი.
ნაციონალური მოძრაობის" ყოფილმა თავმჯდომარემ, ნიკა მელიამ განაცხადა, რომ პარტიის მართვის ბერკეტებს სრულად ფლობენ დავით კეზერაშვილი, ვანო მერაბიშვილი და ზურაბ ადეიშვილი. როგორც მელიამ აღნიშნა, პარტია იმართება არაფორმალურად და ეს არის ძირეული პრობლემა.