„ნაციონალური მოძრაობა" არ არის პოლიტიკური მოძრაობა, ეს არის ძალიან დაბალი დონის კრიმინალური სინდიკატი, - ამის შესახებ საპარლამენტო უმრავლესობის წევრმა, რატი იონათამიშვილმა ჟურნალისტს განუცხადა.

მისი თქმით, „ნაციონალური მოძრაობის" წევრებს სინამდვილეში ძალაუფლების იქით არანაირი ინტერესი არ აქვთ და ამ ძალაუფლებას მხოლოდ ერთმანეთზე თუ განახორციელებენ.

„ეს დღის წესრიგი უდგათ და შესაბამისად მოქმედებენ. ცხადია, მძიმე სანახავია, როდესაც ადამიანები ასეთი ვიწრო ინტერესებით არიან შემოფარგლული, მაგრამ ვფიქრობ, ქართული პოლიტიკური პროცესებისთვის „ნაციონალური მოძრაობის" დაშლა მხოლოდ პოზიტიური მოვლენა შეიძლება, იყოს", - განაცხადა იონათამიშვილმა.