რუსეთის საგარეო საქმეთა სამინისტროს პრესსპიკერის, მარია ზახაროვას განცხადებით, ნატო-ს ლიდერებმა მომავალ კვირაში დაგეგმილ სამიტზე ზაპოროჟიეს ატომური ელექტროსადგურის საკითხი უნდა განიხილონ, რადგან ალიანსის წევრების უმეტესობა "პირდაპირი დარტყმის ზონაში" აღმოჩნდება.
ზახაროვას მტკიცებით, უკრაინის ხელისუფლებამ დაიწყო "საკუთარი გადარჩენის" გეგმა - ზაპოროჟიეს ატომური ელექტროსადგურის სისტემატური ზიანის მიყენება.
„ტერორისტული რეჟიმი. ახლა მათ დაიწყეს „საკუთარი ხსნის" გეგმა - ზაპოროჟიეს ატომური ელექტროსადგურის სისტემატური დაზიანება. ნატო-ს სამიტზე მთავარი ყურადღება ამ თემას უნდა დაეთმოს. ბოლოს და ბოლოს, ალიანსის წევრების უმრავლესობა პირდაპირი დარტყმის ზონაში აღმოჩნდება", - აღნიშნა ზახაროვამ.
რუსეთის საგარეო საქმეთა სამინისტროს პრესსპიკერმა აღნიშნული კომენტარი უკრაინის თავდაცვის მინისტრის მოადგილის, ანა მალიარის პოსტის საპასუხოდ გააკეთე, რომელმაც დაწერა : „273 დღე მას შემდეგ, რაც პირველი დარტყმა მიაყენეს ყირიმის ხიდს რუსეთის ლოგისტიკის მოშლის მიზნით".