ყოველი დღე მას შემდეგ, როდესაც საქართველოს არ ჰქონდა კანდიდატის სტატუსი, ეს იყო უსამართლობის დღე. შესაბამისად, კანდიდატის სტატუსის მონიჭება უპირველეს ყოვლისა, იქნებოდა ამ უსამართლობის აღმოფხვრა, - ამის შესახებ საქართველოს პარლამენტის თავმჯდომარემ შალვა პაპუაშვილმა ჟურნალისტებთან განაცხადა.
„საქართველო შარშან ივნისშიც იმსახურებდა კანდიდატის სტატუსს. ის იყო ლიდერი მაშინაც და რჩება დღესაც უკრაინასთან, მოლდოვასთან და ბოსნია-ჰერცეგოვინასთან შედარებით. ლიდერისთვის კანდიდატის სტატუსის არ მინიჭება არ იყო სწორი და სამართლიანი გადაწყვეტილება. ყოველი დღე მას შემდეგ, როდესაც საქართველოს არ ჰქონდა კანდიდატის სტატუსი, ეს იყო უსამართლობის დღე. შესაბამისად, კანდიდატის სტატუსის მონიჭება უპირველეს ყოვლისა, იქნებოდა ამ უსამართლობის აღმოფხვრა. საბოლოო ჯამში, გადაწყვეტილება ევროკავშირზე და მის შეხედულებებზეა. ჩვენ წელიწად-ნახევრის განმავლობაში მაქსიმალური გავაკეთეთ იმისთვის, რომ ყველა ის რეკომენდაცია, რომელიც იყო წარმოდგენილი საქართველოს წინაშე, განგვეხორციელებინა. ეს რა თქმა უნდა, მიმდინარე პროცესია. ბოლო ორი თვის განმავლობაში გვქონდა ასევე თანამშრომლობა ევროკომისიასთან. ვნახეთ, რომ აჟიოტაჟს, რომელიც რამდენიმე ოპოზიციონერმა და „ენჯეომ“ ატეხეს „მაუწყებლობის შესახებ“ კანონთან დაკავშირებით, როგორ გაეცა პასუხი ევროკავშირის ელჩის მხრიდან, რომ სწორედ მჭიდრო კომუნიკაციით და თანამშრომლობით შემუშავდა ეს ცვლილებები. ეს თანამშრომლობა და პოზიტიური დინამიკა გვაძლევს იმის იმედს, რომ შეფასებაში იქნება ბევრი პოზიტიური დამოკიდებულება ჩვენ მიერ გადადგმულ ნაბიჯებზე და იმედი გვაქვს, რომ დეკემბერში იქნება გადაწყვეტილება კანდიდატის სტატუსის მინიჭებასთან დაკავშირებით. ვხედავთ, რომ ოპოზიცია და „ენჯეოები“ ხვდებიან, რომ საქართველოს ისტორიის არასწორ მხარეს იდგნენ ამდენი ხნის განმავლობაში. ცდილობდნენ ყველანაირად ჩაეშალათ პროცესი. არის ნაწილი, რომელიც ხვდება, რომ დიდი ალბათობაა კანდიდატის სტატუსის მონიჭების და ცდილობენ იმ ანტიქართული ორგანიზაციების გემიდან, რომელშიც ძალიან კომფორტულად იყვნენ წელიწად-ნახევარი, რამენაირად გადახტნენ და რაღაცნაირად შეახტნენ მატარებელს, რომელსაც ჰქვია ქართველი ხალხის ევროპული მატარებელი“, - აღნიშნა პაპუაშვილმა.
|
ვიდეო რეკლამა სტატიების ნახვა შეგიძლიათ რუბრიკაში "ყველა სტატია" ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე ლიცენზია
ვიდეო რეკლამა |
|
ინტერნეტ-პორტალი
www.resonancedaily.com
„რეზონანსის“ მედია ჯგუფის აღმასრულებელი დირექტორი:
ზვიად შვანგირაძე
ინტერნეტ-პორტალის მთავარი რედაქტორის მოადგილე:
გვანცა წულაია
რედაქციის ელ-ფოსტა: resonancenewspaper@yahoo.com
ელ-ფოსტა პრეს-რელიზებისა და ანონსებისათვის:
resonancedaily@yahoo.com
სარეკლამო სამსახური
ტელ: 593-105-105
გაზეთ "რეზონანსის" სარეკლამო სამსახურის უფროსი
მედეა იოსავა
resreklama@yahoo.com
ინტერნეტ-პორტალ რეზონანსდეილის სარეკლამო სამსახურის უფროსი
თამარ ადუაშვილი
ტელ: 599-562-562
reswebreklama@yahoo.com
საიტზე გამოქვეყნებული ნებისმიერი პუბლიკაცია წარმოადგენს ინტერნეტ-პორტალის საკუთრებას და მისი მთლიანად ან ნაწილობრივ კომერციული თუ არაკომერციული მიზნებით არალიცენზირებული კოპირება (გამოყენება, გავრცელება, გადაბეჭვდა, რეპროდუქცია, გადაცემა, როგორც ღია ასევე დახურულ მონაცემთა ბაზებში შენახვა) აკრძალულია.
1
|