მაღალია ოკუპანტების მიერ 2008 წლის შემდეგ ე.წ. საზღვრის კვეთის ბრალდებით, უკანონოდ დაკავებულთა რიცხვი. 2008 წლიდან დღემდე, ოკუპანტებმა, ოკუპირებული აფხაზეთის მხარეს, უკანონოდ, 1955 ადამიანი დააკავეს. ოკუპირებული ცხინვალის მხარეს კი - 1514.

წლების მიხედვით, უკანონოდ დაკავებულთა რიცხვს რომ დავაკვირდეთ, ვნახავთ:

ოკუპანტებმა ოკუპირებული აფხაზეთის მხარეს 2008 წელს 13 ადამიანი დააკავეს უკანონოდ. 2009 წელს 91. 2010-ში - 114. ყველაზე მეტი ადამიანი 2013- 2015 წლებში დააკავეს.

შემდეგ წლებში, უკანონოდ დაკავებულთა რიცხვი იკლებს - 2021 წელს 11. 2022 წელს - 13. 2023-ში კი ოკუპირებული აფხაზეთის მხარეს 20 ადამიანი დააკავეს, მათ შორის - ლევან დოთიაშვილი, რომელიც 6 ნოემბერს, თამაზ გინტურთან ერთად იმყოფებოდა. დოთიაშვილი გატაცებიდან სამი დღის შემდეგ გადმოსცეს ქართულ მხარეს.

რაც შეეხება ოკუპირებული ცხინვალის მხარეს - 2008 წელს 9 ადამიანი დააკავეს უკანონოდ. 2009 წელს 79. 2010 წელს 77 ადამიანი.

ყველაზე მეტი ადამიანი 2013-2017 წლებში დააკავეს უკანონოდ.

რაც შეეხება ბოლო წლებს, 2022-ში - 44. 2023-ში კი 31 ადამიანი დააკავეს რუსებმა, ე.წ. საზღვრის უკანონოდ კვეთის ბრალდებით, ოკუპირებული ცხინვალის მხარეს