მარტის აქციებზე დაკავებული ლაზარე გრიგორიადისის დედა თამთა კალანდაძე განაჩენის გამოცხადებამდე რამდენიმე დღით ადრე, ემიგრაციიდან დაბრუნდა. იმედს გამოთქვამს, რომ პრეზიდენტი სალომე ზურაბიშვილი მის შვილს შეიწყალებს.
„ჩამოვედი იმიტომ, რომ ვეღარ გავუძელი. ვითმენდი, მეთქი დღეს წავალ, ხვალ წავალ და ასე უცებ დავურეკე დედას და ვუთხარი, რომ უნდა წამოვიდე. თუ სამართალი არსებობს ამ ქვეყანაში, მოლოდინი მაქვს, რომ უნდა გამოვიდეს და მჯერა, რომ სალომე ზურაბიშვილი შეიწყალებს”, – განუცხადა "ფორმულას" გრიგორიადისის დედამ.
15 ნოემბერს 12:00 საათზე და 17 ნოემბერს 15:00 საათზე თბილისის საქალაქო სასამართლოში ლაზარე გრიგორიადისის საქმეზე დასკვნითი პროცესები გაიმართება და, სავარაუდოდ, განაჩენიც გამოცხადდება.