უნგრეთი, სხვა ჩვენს ნამდვილ მეგობრებთან ერთად, არის საქართველოს ევროპული ინტეგრაციის მტკიცე მხარდამჭერი. ეს ახლა კიდევ ერთხელ დაადასტურა ჩვენი პარტიის თავმჯდომარის, ბატონი ირაკლი კობახიძის ვიზიტმა უნგრეთში, - ამის შესახებ პარლამენტის თავმჯდომარის მოადგილემ, არჩილ თალაკვაძემ კანდიდატის სტატუსის მიღების საკითხზე საუბრისას განაცხადა.

„ღიმილის მომგვრელი და არასერიოზული თავდასხმები ვნახეთ უნგრეთზე, მის მთავრობას და პრემიერ-მინისტრ ორბანზე. რეალურად, უნგრეთი, სხვა ჩვენს ნამდვილ მეგობრებთან ერთად არის საქართველოს ევროპული ინტეგრაციის მტკიცე მხარდამჭერი. ეს ახლა კიდევ ერთხელ დაადასტურა ჩვენი პარტიის თავმჯდომარის, ბატონი ირაკლი კობახიძის ვიზიტმა უნგრეთში. რა თქმა უნდა, ჩვენ მოველით, რომ საქართველო მიიღებს კანდიდატის სტატუსს იმ რეკომენდაციის თანახმად, რომელიც ევროკომისიის ანგარიშში იყო უკვე მოცემული", - განაცხადა თალაკვაძემ.