რონ პოლის ინსტიტუტის აღმასრულებელი დირექტორი დენიელ მაკადამსი საქართველოში მიმდინარე საპროტესტო აქციებსა და არასამთავრობო ორგანიზაციებში, ჩხრეკის შედეგად ამოღებულ ნივთმტკიცებებს, მათ შორის, "მოლოტოვის კოქტეილების" აღმოჩენას სოციალურ ქსელში ეხმაურება.

მისი განცხადებით, საინტერესოა რაში სჭირდებოდათ არასამთავრობო ორგანიზაციებს "მოლოტოვის კოქტეილები" ოფისში.

"საინტერესოა რაში სჭირდებოდათ "არასამთავრობო ორგანიზაციებს“ მოლოტოვის კოქტეილები. ეს ასევე ცხადყოფს, რატომ სჭირდებოდა საქართველოს კანონის მიღება, რომ ენახა, რომელი უცხო სახელმწიფოები აფინანსებდნენ ამ არასამთავრობო ორგანიზაციებს. ეს არის საზოგადოებრივი უსაფრთხოების საკითხი", - წერს დენიელ მაკადამსი.