„ნუ ებრძვით სააკაშვილს" - 9 მაისის ინციდენტის შემდეგ, „ნაციონალური მოძრაობის" წევრები აქტიურად ატარებენ ამ რიტორიკას და საზოგადოების ნაწილს „სასარგებლო იდიოტობის" დაძლევისკენ მოუწოდებენ. პარალელურად, „ნაცმოძრაობის" დელეგაცია, რომლის შემადგენლობაში ექსპრეზიდენტის შვილი ნიკოლოზ სააკაშვილიც შედის, ვაშინგტონში იმყოფება. ეს ყველაფერი სავარაუდოდ იმაზე მიუთითებს, რომ ენმ ცდილობს კვლავ გააქტიუროს სააკაშვილის თემა და დააბრუნოს ის პოლიტიკური დღის წესრიგში როგორც ქვეყნის შიგნით, ისე დასავლეთში.