საგამოძიებო კომისიამ მთელს საქართველოს კიდევ ერთხელ გაახსენა ის ძალიან დიდი და წარუშლელი ტკივილი, რაც აგენტურამ ამ ქვეყანას დამართა, - განუცხადა საპარლამენტო უმრავლესობის ლიდერმა და „ქართული ოცნების" აღმასრულებელმა მდივანმა მამუკა მდინარაძემ ჟურნალისტებს საგამოძიებო კომისიაზე საუბრისას.

„ეს იყო სასიცოცხლოდ აუცილებელი. ბევრი რაღაც ვერ ესწრება, ალბათ 1% -ის გააზრება, არა თუ გამოძიება ვერ ესწრება, მაგრამ თითოეული ქეისი არის მათი სამარკო ნიშნის კიდევ ერთხელ გახსენება. რამდენად ბინძური, ამაზრზენი და სასტიკი რეჟიმი მართავდა აგენტურის სახით საქართველოს", - აღნიშნა მამუკა მდინარაძემ.