რუსეთის პრეზიდენტის პრესმდივანმა, დიმიტრი პესკოვმა განაცხადა, რომ რუსეთი მიესალმება იმ ფაქტს, რომ ვაშინგტონში ესმით მოსკოვის ნეგატიური დამოკიდებულება ნატოს აღმოსავლეთით გაფართოების მიმართ.
„ჩვენ მოხარულნი ვართ, რომ ეს განმარტებები [პრეზიდენტ ვლადიმირ პუტინის] პოულობენ გაგებას, მათ შორის ვაშინგტონში, და, რა თქმა უნდა, ეს დიდად გვახარებს იმ შუამავლობითი როლის თვალსაზრისით, რომელსაც ვაშინგტონი აგრძელებს“, - აღნიშნა კრემლის ოფიციალურმა წარმომადგენელმა.
აშშ-ის პრეზიდენტის სპეციალური წარმომადგენლის, კიტ კელოგის განცხადებით, ამერიკული მხარე მზად არის რუსეთთან უკრაინის, მოლდოვისა და საქართველოს ნატოში არშესვლის საკითხი განიხილოს.
როგორც მან აღნიშნა, რუსეთს საკუთარ საზღვრებთან ნატოს გაფართოების საკითხი აშფოთებს.