უკრაინის შეიარაღებულმა ძალებმა რუსეთის ბრიანსკის რეგიონში "ისკანდერ" ტიპის ბალისტიკური რაკეტების სამი გამშვები დანადგარი გაანადგურეს. შეტევა განხორციელდა იმ მომენტში, როდესაც რუსული მხარე კიევის მიმართულებით რაკეტების გაშვებისთვის ემზადებოდა.

წყაროების თანახმად, პრევენციული დარტყმით უკრაინულმა მხარემ თავიდან აიცილა დედაქალაქზე მორიგი იერიში. ოპერაცია ხორციელდებოდა დაზვერვის მონაცემების საფუძველზე და მიზანმიმართული იყო იმ პოზიციებზე, საიდანაც უკვე მზადდებოდა შეტევა.