დღევანდელ საგამოძიებო კომისიის სხდომაზე მოუსმენენ ორი ადამიანის ახსნა-განმარტებას, საქმე კი ეხება რეკეტსა და ძალადობას.

„სამწუხაროდ ეს თანმდევი არგუმენტები და თანმდევი ფაქტებია „ნაცმოძრაობის“, როგორც რეჟიმის. გამომდინარე აქედან, საგამოძიებო კომისიის სხდომები პრაქტიკულად გახდება საფუძველი იმისა, რომ საქართველოს პოლიტიკურ ცხოვრებაში დაიწყოს ახალი ეტაპი“, - განაცხადა დეპუტატმა გურამ მაჭარაშვილმა.

დროებითი საგამოძიებო კომისია ქონებრივი უფლებების ხელყოფისა და 2004-2012 წლებში წამებისა და არაადამიანური მოპყრობის საკითხებს გაეცნობა.