გავრცელებული ინფორმაციით, ახმეტაში ავტოსაგზაო შემთხვევა მოხდა, რასაც ერთი ადამიანი ემსხვერპლა - ავარიის შედეგად, დაშავდა ორი პირი. 

არსებული ცნობებით, ავტომობილის მძღოლმა საჭე ვერ დაიმორჩილა და განათების ბოძს შეეჯახა, რის შედეგადაც მანქანაში მყოფი 3 პირიდან ორი დაშავდა, ერთი კი საავადმყოფოში მიყვანამდე გარდაიცვალა. 

დაშავებულები ახმეტის საავადმყოფოში არიან გადაყვანილები, სადაც მათ შესაბამისი კვლევები უტარდებათ. ადგილზე სასწრაფო დახმარების ჯგუფები, პოლიცია და სამაშველო სამსახური იყო მობილიზებული.