ტრამპის ადმინისტრაცია 30 სექტემბრამდე USAID-ის საზღვარგარეთ მდებარე ყველა განყოფილებას გააუქმებს. ინფორმაციას ამის შესახებ „გარდიანი" ავრცელებს.

სახელმწიფო დეპარტამენტის შეტყობინებაში, რომელიც „გარდიანმა" მოიპოვა, სახელმწიფო მდივანმა, მარკო რუბიომ სააგენტოს მთელი საერთაშორისო სამუშაო ძალის გაუქმების ბრძანება გასცა.

გადაწყვეტილების თანახმად, საგარეო დახმარების პროგრამების კონტროლი პირდაპირ სახელმწიფო დეპარტამენტს გადაცემა. დირექტივა გავლენას ახდენს USAID-ის ასობით თანამშრომელზე მთელ მსოფლიოში, მათ შორის კონტრაქტორებსა და ადგილობრივად დასაქმებულ პერსონალზე 100-ზე მეტ ქვეყანაში.

მედიის ცნობით, აშშ-ის საელჩოებში მისიების ხელმძღვანელებს ფართომასშტაბიანი ცვლილებებისთვის მომზადება დაევალათ.