ისრაელის ავიაციამ თეირანში ირანის სამხედრო საზღვაო ძალების შტაბ-ბინა დაბომბა. შეტევის ობიექტია ისლამური რევოლუციის გუშაგთა შტაბ-ბინაც.

უპილოტო საფრენი აპარატებით იერიშები ხორციელდება თეირანის ცენტრალურ ქუჩებზე. მასირებული შეტევების ფონზე, ცნობილი ხდება, რომ ირანი მოლაპარაკებებისთვის მზად არის, თუმცა ის, ვინც მოლაპარაკების მაგიდის მეორე მხარეს უნდა დაჯდეს, ამბობს, რომ მიზანი ჯერ მიღწეული არაა და გეგმა ბოლომდე შესასრულებელია.

ბენიამინ ნეთანიაჰუ პირობას დებს, რომ ისლამური სახელმწიფოს ბირთვულ შესაძლებლობებს ისრაელი სრულად გაანადგურებს.