„ზაფხული იწყება აქ“ - ეს არის აჭარის 2025 წლის ტურისტული სეზონის მთავარი სლოგანი - მიუხედავად იმისა, რომ ოფიციალურად სეზონის სტარტი დღეს იყო, ბათუმი და სხვა კურორტები დამსვენებლების რაოდენობას არ უჩივის.

გაზრდილი ფრენებისა და მარშრუტების გამო, რეგიონი წელს ბევრ სტუმარს ელის, შესაბამისად უსაფრთხოებაზე ზრუნვაც განსაკუთრებული საზრუნავია, სწორედ ამიტომ შინაგან საქმეთა მინისტრმა ადგილობრივ მთავრობასთან ერთად დღეს სეზონი გახსნილად გამოაცხადა და უწყების მიერ მიღებული და გათვალისწინებული ზომების პრეზენტაციაც გამართა.