პაატა ბურჭულაძის განცხადებასთან დაკავშირებით, რომ მას შეუწყდა რუსთაველის პრემია, სააგენტო „იმედინიუსი“ კულტურის სამინისტროს პრესსამსახურს დაუკავშირდა. კულტურის სამინისტროში აცხადებენ, რომ პაატა ბუჭულაძის მიერ გავრცელებული ინფორმაცია რუსთაველის პრემიის შეწყვეტის შესახებ არის სიცრუე და საზოგადოების შეცდომაში შეყვანის მორიგი მცდელობა.
„პაატა ბუჭულაძის მიერ გავრცელებული ინფორმაცია რუსთაველის პრემიის შეწყვეტის შესახებ არის სიცრუე და საზოგადოების შეცდომაში შეყვანის მორიგი მცდელობა. ყველა სახელმწიფო პრემია, ყველა სტიპენდია, მათ შორის ფონდი „ქართუს” სტიპენდიები, ყოველთვიურად უცვლელად და დროულად ირიცხება“, - განაცხადეს კულტურის სამინისტროში.
რამდენიმე საათის წინ პაატა ბურჭულაძის განაცხადა, რომ მას რუსთაველის პრემია "ქართული ოცნების“ საპატიო თავმჯდომარემ, ბიძინა ივანიშვილმა დაუყადაღა, რადგან "უნდა, რომ მიითვისოს“.