ჩვენი მთავარი ინტერესი გარდა იმისა, რომ ვიყოთ კეთილმეზობლურ ურთიერთობაში ჩვენს მეგობრებთან და პარტნიორებთან, არის იმ ეროვნული ინტერესების დაცვა, რაზეც აგებული უნდა იყოს საქართველოს განვითარების სამომავლო ხედვა, - განაცხადა გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ ეუთოს საპარლამენტო ასამბლეაზე.

„ჩვენ ძალიან მკაცრად მოვითხოვეთ, რომ პატივი ეცეს საერთაშორისო სამართლის ძირითად პრინციპებს, მათ შორის ეუთოს სადამფუძნებლო აქტს. პატივი უნდა ეცეს საქართველოს მოსახლეობის არჩევანს, მოსწონს თუ არა ეს ვინმეს ეუთოს წევრ სახელმწიფოებში“, - აღნიშნა მაია ბითაძემ.

ეუთოს საპარლამენტო ასამბლეის სესია პორტოში მიმდინარეობს. დღეს სასესიო შეხვედრაზე სიტყვით გამოვლენ საქართველოს საპარლამენტო დელეგაციის წევრები.