აშშ-ის პრეზიდენტმა, დონალდ ტრამპმა იაპონიისა და სამხრეთ კორეის ლიდერებს წერილები გაუგზავნა, სადაც ახალი 25%-იანი ტარიფები გამოაცხადა.

„2025 წლის 1-ლი აგვისტოდან, იაპონიიდან შეერთებულ შტატებში გაგზავნილ ნებისმიერ პროდუქტზე, სექტორული ტარიფებისგან დამოუკიდებლად, მხოლოდ 25%-იან ტარიფს დავაწესებთ. საქონელი, რომელიც მაღალი ტარიფის თავიდან ასაცილებლად ტრანზიტით გატარდება, დაექვემდებარება სწორედ ამ მაღალ ტარიფს. გთხოვთ, გაითვალისწინოთ, რომ 25% გაცილებით ნაკლებია იმაზე, რაც საჭიროა თქვენს ქვეყანასთან არსებული სავაჭრო დეფიციტის აღმოსაფხვრელად", - აღნიშნა აშშ-ის პრეზიდენტმა.

დონალდ ტრამპპმა იდენტური შინაარსის წერილი გაუგზავნა სამხრეთ კორეის ლიდერსაც.

წერილში ხაზგასმით აღნიშნულია, რომ იაპონიის ან სამხრეთ კორეის „კომპანიები თუ გადაწყვეტენ პროდუქციის აშშ-ში წარმოებას, მაშინ ტარიფი არ დაწესდება".