აშშ-ის პრეზიდენტი დონალდ ტრამპი ისრაელს მიმართავს, „ჰამასთან" მიმართებაში სამუშაო ბოლომდე მიიყვანოს.

„ვფიქრობ, მათ სიკვდილი უნდათ, ეს ძალიან ცუდია", - განაცხადა დონალდ ტრამპმა „ჰამასზე" საუბრისას და აღნიშნა, რომ ისრაელისთვის „დადგა დრო, როდესაც მოუწევს, დაასრულოს სამუშაო".

ვაშინგტონში მიიჩნევენ, რომ „ჰამასი" არც კოორდინაციაში იყო და არც კეთილსინდისიერად მოქმედებდა, რის გამოც თეთრმა სახლმა უკან გაიწვია ახლო აღმოსავლეთში მისი წარმომადგენელი სტივ უიტკოფი და „ალტერნატიული ვარიანტების" შესწავლა დაიწყო, თუმცა „ჰამასის" წარმომადგენლები ვაშინგტონის ამ პოზიციას უარყოფენ.