აშშ-ის პრეზიდენტმა, დონალდ ტრამპმა საკუთარ თანაშემწეებს უბრძანა დაუყოვნებლივ მოემზადონ რუსეთის პრეზიდენტთან, ვლადიმერ პუტინთან და უკრაინის ლიდერთან, ვოლოდიმირ ზელენსკისთან შეხვედრებისთვის. ინფორმაციას CNN-ი საკუთარ წყაროებზე დაყრდნობით ავრცელებს.

მედიის ცნობით, მოლაპარაკებების გამართვის ადგილი ჯერ განსაზღვრული არ არის, განიხილება რამდენიმე ვარიანტი. მოლაპარაკებები, შესაძლოა, მომდევნო კვირას ან ორი კვირის განმავლობაში ჩატარდეს.

როგორც CNN-ი იუწყება, გარდა ორმხრივი მოლაპარაკებებისა განიხილება სამმხრივი შევედრის ფორმატიც ტრამპის, პუტინისა და ზელენსკის მონაწილეობით.