რუსეთის საჰაერო თავდაცვის ძალებმა ქვეყნის რეგიონებში ღამით 121 უკრაინული დრონი ჩამოაგდეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.
მათივე ინფორმაციით, დრონები ჩამოაგდეს კრასნოდარის მხარეში, ბრიანსკის, ბელგოროდის, ვორონეჟის, სარატოვის, კალუგის, ტულის, როსტოვის, რიაზანის, სმოლენსკის, ორიოლის, ტვერის ოლქებში, აზოვის ზღვის თავზე და ოკუპირებულ ყირიმში.
სარატოვის ოლქის გუბერნატორის, რომან ბუსარგინის განცხადებით, დრონი საცხოვრებელი კორპუსის ეზოში დაეცა, რის შედეგადაც ერთი ადამიანი დაიღუპა და რამდენიმე დაშავდა.