ალასკაზე ვლადიმირ პუტინთან შეხვედრის წინ, თეთრი სახლის მეთაურმა, დონალდ ტრამპმა განაცხადა, რომ არ არის დარწმუნებული, შეძლებს თუ არა ცეცხლის დაუყოვნებლივ შეწყვეტაზე შეთანხმების მიღწევას.
ამასთან, აშშ-ის პრეზიდენტი მიიჩნევს, რომ ვლადიმირ პუტინს გარიგების დადება სურს.
კითხვაზე, შეუძლია თუ არა სანქციებით მუქარას პუტინზე გავლენის მოხდენა, აშშ-ის პრეზიდენტმა უპასუხა, რომ „ყველაფერს აქვს გავლენა“.
მან დასძინა, რომ ინდოეთის წინააღმდეგ დაწესებულმა მეორადმა ტარიფებმა „ფაქტობრივად აიძულა ის, უარი ეთქვა რუსეთისგან ნავთობის ყიდვაზე“.