რადიკალური ოპოზიციის სახე არის ლიბერალური ფაშიზმი და ესეც არის ამ ფაშიზმის გამოვლინება, - განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა სოციალურ ქსელებში ლევან გაჩეჩილაძის გარდაცვალების შემდეგ გამოქვეყნებულ კომენტარებზე საუბრისას.
„ჩვენ ვხედავთ ამ რადიკალთა რიგებში როგორი ძლიერია სიძულვილისა და ბოროტების განწყობები და მიდრეკილებები. ეს გვაჩვენებს, რომ მათ შესაძლებლობა რომ მიეცეთ, თავად ჩაიდენდნენ მკვლელობებს, თავად აწამებდნენ ადამიანებს. ამით ჩვენს საზოგადოებას არასოდეს დაავიწყდება მათი სახე, მათი ზრახვები", - მიიჩნევს იონათამიშვილი.
ბიზნესმენისა და პოლიტიკოსის, ლევან გაჩეჩილაძის გარდაცვალებას ოპოზიციის მხარდამჭერთა ნაწილი სოციალურ ქსელში შეურაცხმყოფელი კომენტარებითა და ცინიზმით ეხმაურება. ისინი კი, ვინც სოციალურ ქსელში ლევან გაჩეჩილაძის ოჯახს მიუსამძიმრა, ბულინგის ობიექტად იქცნენ.