კომუნიკაციების კომისიამ ინტერნეტზე ფასების გაზრდით „მაგთიკომის“ მიერ დომინანტური მდგომარეობის ბოროტად გამოყენების შესაძლო ფაქტის შესწავლა და მოკვლევა დაიწყო. ინფორმაციას კომუნიკაციების კომისია ავრცელებს.

მათივე ცნობით, საქმე ეხება „მაგთიკომის“ გადაწყვეტილებებს, რომლის მიხედვითაც, პირველი ივნისიდან – მობილური ინტერნეტის პაკეტების, ხოლო პირველი აგვისტოდან ფიქსირებული ინტერნეტის ფასები გაძვირდა.

„მაგთიკომის“ მიერ განხორციელებული ქმედებიდან გამომდინარე, კომუნიკაციების კომისიისთვის იკვეთება სურათი, რომლის მიხედვითაც, კომპანიის მხრიდან, შესაძლოა, ადგილი ჰქონდეს არასამართლიანი ტარიფების დაწესებასა და შესაძლო დომინანტური მდგომარეობის ბოროტად გამოყენებას“, – აღნიშნულია კომუნიკაციების კომისიის მიერ გავრცელებულ ინფორმაციაში.