თუ ამერიკის დროშას დაწვავთ, ერთი წლით ციხეში წახვალთ, - ამის შესახებ აშშ-ის პრეზიდენტმა, დონალდ ტრამპმა ოვალურ კაბინეტში განაცხადა.
აშშ-ის პრეზიდენტმა, დონალდ ტრამპმა ხელი მოაწერა აღმასრულებელ ბრძანებას, რომელიც იმ პირების მიმართ, რომლებიც აშშ-ის დროშას დაწვავენ, პატიმრობას ითვალისწინებს.
„დროშებს მთელი ქვეყნის მასშტაბით წვავენ. აშშ-ის დროშებს მთელ მსოფლიოში წვავენ და ძალიან საბრალო სასამართლომ, 5 ხმით 4-ის წინააღმდეგ, ამას სიტყვის თავისუფლება უწოდა. როდესაც ამერიკის დროშას წვავენ, ეს ისეთი დონის არეულობას იწვევს, რომელიც აქამდე არასდროს გვინახავს", - განაცხადა დონალდ ტრამპმა.
დონალდ ტრამპის აღმასრულებელი ბრძანების თანახმად, აშშ-ის დროშის დაწვის შემთხვევებს გენერალური პროკურორი, პემ ბონდი განიხილავს.