თბილისის მერი, კახა კალაძე მანანა მენაბდის გარდაცვალების გამო მწუხარებას გამოთქვამს.
კახა კალაძე მუსიკოსის ოჯახს, ახლობლებსა და ქართული კულტურის წარმომადგენლებს სამძიმარს უცხადებს.
„ქართველ ხელოვანთა რიგებს გამოაკლდა კიდევ ერთი გამორჩეული მუსიკოსი, მომღერალი, მწერალი, მხატვარი და მსახიობი მანანა მენაბდე.
ქართული ფოლკლორული ჯაზჯგუფების განვითარების გარდა, მას საკუთარი წვლილი აქვს შეტანილი ქართული ფილმების საერთაშორისო ასპარეზზე წარმოჩენის საკითხში.
ვუსამძიმრებ გარდაცვლილის ოჯახს, ახლობლებს, ქართული კულტურის წარმომადგენლებს ამ დიდ დანაკარგს“, - წერს სოციალურ ქსელში კახა კალაძე.
ქართველი მუსიკოსი და რეჟისორი, მანანა მენაბდე 76 წლის ასაკში გარდაიცვალა.