ჩვენ მიხეილ ყაველაშვილს ლეგიტიმურად არ ვაღიარებთ და მის გადაწყვეტილებას ჩემთვის არანაირი მნიშვნელობა არ აქვს, - ამის შესახებ პარტია „სტრატეგია აღმაშენებლის" წევრმა, პაატა მანჯგალაძემ განაცხადა.
მისივე თქმით, მიხეილ ყაველაშვილი პრეზიდენტის ინსტიტუტის შეურაცხყოფაა.
„განცხადების ნაწილი მოვისმინე ე.წ. პრეზიდენტის, ყაველაშვილის, შეურაცხყოფა მიაყენეს პრეზიდენტის ინსტიტუტსო. ნუ ყაველაშვილი რომ არის შეურაცხყოფა პრეზიდენტის ინსტიტუტის, ასეთი შეურაცხყოფა მე არ ვისი მართლა. რაც შეეხება შეწყალებას, ჩვენ არ ვაღიარებთ ლეგიტიმურად მას და შესაბამისად მის გადაწყვეტილებას ჩემთვის არანაირი მნიშვნელობა არ აქვს", - აღნიშნა მანჯგალაძემ.
ცნობისთვის, საქართველოს პრეზიდენტმა, მიხეილ ყაველაშვილმა „ძლიერი საქართველო-ლელოს" ლიდერები, მამუკა ხაზარაძე და ბადრი ჯაფარიძე შეიწყალა.