საქართველოს კალათბურთელთა ნაკრების მთავარმა მწვრთნელმა ალექსანდარ ჯიკიჩმა საფრანგეთთან მატჩი შეაფასა. მან გამარჯვებაში ეროვნული გუნდის სამედიცინო პერსონალის დამსახურებას გაუსვა ხაზი.

„მადლობა საფრანგეთს ასეთ თამაშისთვის. ახლა ვუყურებ იმ შემადგენლობას, რომელიც დავამარცხეთ. მგონი, ცუდი გუნდი არაა. მინდა გითხრათ, რომ პირველივე წუთიდან მზად ვიყავით ასეთი ტიპის მატჩისთვის და საბოლოოდ მოვიგეთ კიდეც. სამედიცინო შტაბის დიდი დამსახურებაა, რომ ამ დრომდე სრული, 12-კაციანი შემადგენლობა გვყავს. მოკლედ, ისევ აქ ვართ“, - განაცხადა ჯიკიჩმა.

ისტორიაში პირველად - საქართველოს ნაკრები საფრანგეთის დამარცხებით „ევრობასკეტის“ 1/4 ფინალში გავიდა, სადაც 10 სექტემბერს, ფინეთს დაუპირისპირდება.