რამდენიმე ასეული დღის განმავლობაში, რამდენიმე ათეული ადამიანი - ე.წ. პროტესტანტი და რეალურად ტვინგამორეცხილი, დაფინანსებული ადამიანი ძალადობს თბილისის მილიონზე მეტ მოსახლეზე, ეს უნდა იყოს აღკვეთილი, - განაცხადა პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ.
„დარღვევის შემთხვევაში გათვალისწინებული იყო ჯარიმა წლების განმავლობაში, მაგრამ მას არ ჰქონდა ეფექტი, რამდენიმე თვის წინ გავამკაცრეთ და ჯარიმასთან ერთად ადმინისტრაციული პატიმრობაც იყო შემოღებული. არც ამას აქვს პრევენციული შედეგები. რამდენიმე ასეული დღის განმავლობაში, რამდენიმე ათეული ადამიანი - ე.წ. პროტესტანტი და რეალურად ტვინგამორეცხილი, დაფინანსებული ადამიანი ძალადობს თბილისის მილიონზე მეტ მოსახლეზე, შესაბამისად, ეს უნდა იყოს აღკვეთილი, რადგან ეს არის ქართველი ხალხის დაკვეთა“, - აღნიშნა გორდულაძემ.
აქციის მონაწილის მიერ სახის ნიღბით დაფარვის, მომწამვლელი ნივთიერების ქონის, გზის გადაკეტვის ან დროებითი კონსტრუქციის მოწყობის პირველივე შემთხვევასთან დაკავშირებულ საკანონმდებლო ცვლილებებს პარლამენტში დღეს განიხილავენ.