უკრაინის პრეზიდენტმა, ვოლოდიმირ ზელენსკიმ განაცხადა, რომ სიტუაცია პოკროვსკში, სადაც ოკუპანტები უტევენ, რთულია.

მისი თქმით, იქ მტრის 170 ათასი სამხედროა განლაგებული.

„სიტუაცია პოკროვსკში რთულია. იქაა თავმოყრილი მათი ყველა ძალა... მოგეხსენებათ, რომ ამ მიმართულებით 170 ათასი [რუსი] სამხედროა კონცენტრირებული. ეს ძალიან ბევრია. დილით მთავარსარდალს ვესაუბრე, პოკროვსკის მიმართულებაზე ცვლილებები არ არის. პოკროვსკში არიან რუსები, ჩვენები კი მათ ნელ-ნელა ანადგურებენ“, - აღნიშნა უკრაინის პრეზიდენტმა.

„უდავოა, რომ იქ ყველა მხრიდან დაძაბული ვითარებაა მტერთან მიმართებაში. გახსოვთ სიტუაცია კურსკის ოპერაციასთან დაკავშირებით? გახსოვთ ინფორმაციულად, როგორ იყო ეს ყველაფერი? ძალიან ბევრი სხვადასხვა რამეა. რომ თითქოს ჩვენ 5 ან 8 ათასი ჯარისკაცი გვყავდა ალყაში, რაც ტყუილი იყო. ისინი დღეს იქ არ დომინირებენ, ბევრნი არიან, მაგრამ იმის თქმა, რომ ისინი ამარცხებენ უკრაინას, სიმართლეს არ შეესაბამება“, - დასძინა მან.