ბათუმში უძრავ ქონებაზე მოთხოვნას ძირითადად უცხოელების საინვესტიციო შენაძენები ქმნის, - ამის შესახებ აღნიშნულია „გალთ ენდ თაგარტის“ კვლევაში.

უძრავი ქონების ბაზრის მიმოხილვაში ვკითხულობთ, რომ 2025 წლის პირველ კვარტალში ბათუმში 16.8 ათასი ბინა გაიყიდა, ბაზრის ზომამ კი 1.1 მილიარდ დოლარს მიაღწია.

ამასთანავე, ბათუმში მოთხოვნის ძირითადი ნაწილი - 80% საინვესტიციო პროექტებზე მოდის, 20% კი საცხოვრებელ ბინებზე მოთხოვნას უკავია. საინვესტიციო ბინების საშუალო ფასი 76 ათას დოლარს შეადგენს.

რაც შეეხება სეგმენტს, მყიდველის 40% ადგილობრივი, 60% კი უცხოელია.

„2025-29 წლებში ბათუმში 58 000-მდე ახალი ბინა აშენდება” - აღნიშნულია კვლევაში. „გალთ ენდ თაგარტის” ცნობით, აქედან 11 400 განკუთვნილი იქნება საცხოვრებელი, ხოლო 46 300 საინვესტიციო მიზნებისთვის.