საქართველოში, ინფრასტრუქტურულ პროექტებში აქტიურად არიან ჩინური კომპანიები ჩართულები და ვიმედოვნებთ, რომ ეს თანამშრომლობა ორმხრივად კიდევ უფრო გაღრმავდება, ეს ვიზიტიც, სწორედ, ამას ემსახურება - ორ ქვეყანას შორის ურთიერთობების კიდევ უფრო მეტად გაღრმავებას, - განაცხადა ინფრასტრუქტურის მინისტრმა რევაზ სოხაძემ, ჩინეთში, პრემიერ-მინისტრის ვიზიტთან დაკავშირებით.
მისივე თქმით, საქართველოსთვის მნიშვნელოვანია ჩინეთთან აქტიური ურთიერთობა, მათ შორის, ინფრასტრუქტურული კუთხით.
„მონაწილეობას ვიღებთ მსოფლიოში ერთ-ერთ უდიდეს გამოფენაში, ეს არის იმპორტის საერთაშორისო გამოფენა ჩინეთის სახალხო რესპუბლიკაში. ჩვენთვის მნიშვნელოვანია, ზოგადად, ორ სახელმწიფოს შორის აქტიური ურთიერთობა, მათ შორის, ინფრასტრუქტურული კუთხით. იცით, რომ საქართველოში, ინფრასტრუქტურულ პროექტებში აქტიურად არიან ჩინური კომპანიები ჩართულები და ვიმედოვნებთ, რომ ეს თანამშრომლობა ორმხრივად კიდევ უფრო გაღრმავდება. ეს ვიზიტი, სწორედ, ამას ემსახურება - ორ ქვეყანას შორის ურთიერთობების კიდევ უფრო მეტად გაღრმავებას“, - განაცხადა რევაზ სოხაძემ.