აზერბაიჯანი საიდუმლოდ ყიდის უკრაინაში „სუ 22“-ის ტიპის სამხედრო თვითმფრინავებს, – ამის შესახებ ინფორმაციას „დეილი ექსპრესი“ ავრცელებს.

გავრცელებული ინფორმაციით, ბაქო უკრაინაში „სუ-22“-ებს თურქეთის, სუდანისა და გერმანიის გავლით გამავალი საიდუმლო ლოგისტიკური ჯაჭვის მეშვეობით აგზავნის.

გამოცემის თანახმად, აზერბაიჯანი ასევე ამარაგებს უკრაინას გაზით ტრანსბალკანური მილსადენის მეშვეობით, რომელიც ოდესღაც რუსეთის მიერ დომინირებული მარშრუტი იყო.

„აზერბაიჯანს საბჭოთა და რუსული წარმოების იარაღის დიდი მარაგი აქვს, რომლის უკრაინაში გაყიდვაც შეუძლია. არსენალი მოიცავს საარტილერიო სისტემებს, მრავალჯერად გამშვებ სარაკეტო სისტემებს (MLRS), ჯავშანტექნიკას და ტანკებს. ბაქო ასევე ფლობს რამდენიმე Tochka-U ტიპის მოკლე რადიუსის ბალისტიკურ რაკეტას, რომელსაც ამჟამად უფრო მოწინავე ისრაელის პლატფორმები ემატება“, – წერს გამოცემა.