ძიუდოს საერთაშორისო ფედერაციამ რუსეთს ეროვნული დროშითა და ჰიმნით შეჯიბრში მონაწილეობის უფლება მისცა. პირველი მატჩი აბუ დაბის გრანდ სლემი 2025 იქნება.
"ბოლო დროს განვითარებული მოვლენების გათვალისწინებით, მათ შორის, ბელარუსი სპორტსმენებისთვის ეროვნული წარმომადგენლობის სრული აღდგენის გათვალისწინებით, ძიუდოს საერთაშორისო ფედერაცია ახლა მიზანშეწონილად მიიჩნევს რუსი სპორტსმენების მონაწილეობას თანაბარი პირობებით. ისტორიულად, რუსეთი მსოფლიო ძიუდოში წამყვანი ერი იყო და მათი სრული დაბრუნება, სავარაუდოდ, გაამდიდრებს შეჯიბრებებს ყველა დონეზე, ამავდროულად დაიცავს ძიუდოს საერთაშორისო ფედერაციის სამართლიანობის, ინკლუზიურობისა და პატივისცემის პრინციპებს", - აღნიშნულია ძიუდოს საერთაშორისო ფედერაციის ოფიციალურ ვებგვერდზე გამოქვეყნებულ ინფორმაციაში.
"სპორტსმენებს არ აქვთ პასუხისმგებლობა მთავრობების ან სხვა ეროვნული ინსტიტუტების გადაწყვეტილებებზე და ჩვენი მოვალეობაა დავიცვათ სპორტი და ჩვენი სპორტსმენები.
სპორტი უნდა დარჩეს ნეიტრალური, დამოუკიდებელი და პოლიტიკური გავლენისგან თავისუფალი. ძიუდო, რომელიც მშვიდობის, ერთიანობისა და მეგობრობის ღირებულებებზეა დაფუძნებული, არ უნდა დაუშვას, რომ გეოპოლიტიკური დღის წესრიგის პლატფორმა გახდეს.
ამიტომ, ძიუდოს საერთაშორისო ფედერაციის აღმასრულებელმა კომიტეტმა მხარი დაუჭირა რუს სპორტსმენებს, კვლავ დაუშვან ეროვნული დროშის ქვეშ შეჯიბრებები, ჰიმნითა და განმასხვავებელი ნიშნებით, დაწყებული 2025 წლის აბუ-დაბის გრანდ სლემიდან", - აღნიშნულია იმავე განცხადებაში.