მადრიდში ათიათასობით ადამიანი შეუერთდა მთავრობის საწინააღმდეგო დემონსტრაციას ვადამდელი არჩევნების მოთხოვნით, იმ ფონზე, როცა ქვეყნის პრემიერ-მინისტრი, პედრო სანჩესი ცდილობს, გაუმკლავდეს კორუფციის მთელ რიგ ბრალდებების სერიას, რომელიც მის ოჯახს, პარტიასა და ადმინისტრაციას უკავშირდება, - წერს The Guardian-ი.

გამოცემის ცნობით, კვირას გაიმართა საპროტესტო აქცია, რომელიც ესპანეთის კონსერვატიული „სახალხო პარტიის" (PP) მიერ იყო ორგანიზებული, სახელწოდებით „ეს არის: მაფია თუ დემოკრატია?".

აქციის მონაწილეები მხარს უჭერდნენ ოპოზიციური პარტიის მოწოდებებს მთავრობის გადადგომასთან დაკავშირებით.

კერძოდ, მათ პლაკატები ჰქონდათ, რომელზეც ეწერა „გადადგომა", „ძალაუფლების გამიჯვნა" და „სასამართლო სისტემის დამოუკიდებლობა".

ამასთან, აქციის მონაწილეებმა ვადამდელი საყოველთაო არჩევნებიც მოითხოვეს.

როგორც გამოცემა აღნიშნავს, საპროტესტო აქციაში დაახლოებით 80 000 ადამიანი მონაწილეობდა.

სახალხო-დემოკრატიული პარტიის ლიდერმა, ალბერტო ნუნეზ ფეიხომ, საკანონმდებლო ორგანოს „აბსურდი" უწოდა და განაცხადა, რომ მისი გაგრძელება დაუშვებელია. მანვე აქციაზე შეკრებილ ხალხს განუცხადა, რომ „სანჩიზმი [პრემიერ-მინისტრ პედრო სანჩესის მმართველობა] პოლიტიკური, ეკონომიკური, ინსტიტუციური, სოციალური და მორალური კორუფციაა".