Numbeo-მ რძის ფასების ინდექსი განაახლა. მონაცემების მიხედვით, 101 ქვეყანას შორის საქართველო 21-ე ადგილზე მოხვდა. კვლევის თანახმად, საქართველოს მარკეტებში 1 ლიტრი რძე, საშუალოდ, 1.87 დოლარი ღირს.

აღსანიშნავია ისიც, რომ მეზობელ ქვეყნებს შორის საქართველოში რძე ყველაზე ძვირია, ყველაზე იაფი კი თურქეთშია, სადაც 1 ლიტრის საშუალო ფასი 96 ცენტს (91-ე ადგილი) შეადგენს.

რაც შეეხება სხვა მეზობელ ქვეყნებს, მათი ფასები ასე გამოყურება: აზერბაიჯანი (50-ე ადგილი) - 1.41 დოლარი; რუსეთი (72-ე ადგილი) – 1.23 ცენტი. აღსანიშნავია, რომ სომხეთის მონაცემები რეიტინგში ამჟამად წარმოდგენილი არ არის.

რეიტინგი დალაგებულია სხვადასხვა ქვეყნის მარკეტებში 1 ლიტრი რძის საშუალო ფასის მიხედვით.