უკრაინის პრეზიდენტმა, ვოლოდიმირ ზელენსკიმ განაცხადა, რომ 20-პუნქტიანი სამშვიდობო გეგმა უკვე 90%-ით მზად არის. ზელენსკის თქმით, უკრაინული მხარის ამოცანაა, რომ ეს გეგმა 100%-ით იყოს მზად.

„ის 20-პუნქტიანი გეგმა, რომელზეც ვმუშაობდით, 90%-ით მზად არის. ჩვენი ამოცანაა, ისე გავაკეთოთ, რომ ყველაფერი 100%-ით იყოს მზად. ეს არ არის მარტივი და არავინ ამბობს, რომ ის მაშინვე ასივე პროცენტით იქნება მზად“, - აღნიშნა უკრაინის პრეზიდენტმა.

ზელენსკიმ ასევე დასძინა, რომ ისეთმა შეხვედრებმა, როგორიცაა ფლორიდაში დაგეგმილი მისი პირადი მოლაპარაკებები აშშ-ის პრეზიდენტთან, დონალდ ტრამპთან ხელი უნდა შეუწყოს „სასურველი შედეგის დაახლოებას“.