ირანის უზენაესმა ლიდერმა, აიათოლა ალი ხამენეიმ პირველად გააკეთა კომენტარი ქვეყანაში დეკემბრის ბოლოს დაწყებულ მასობრივ აქციებზე და განაცხადა, რომ „არეულობაში მონაწილეების“ მიმართ უნდა გამოიყენონ მკაცრი ზომები.

სატელევიზიო სიტყვაში მან აღიარა, რომ პროტესტები ეკონომიკურმა კრიზისმა , ეროვნული ვალუტის განულებამ და ინფლაციამ გამოიწვია, თუმცა აღნიშნა, რომ უკმაყოფილება არ უნდა იქცეს „პოლიტიკურ პროტესტად“ და არ უნდა ემსახურებოდეს ირანის მტრების ინტერესებს.

ხამენეიმ განცხადება მაშინ გააკეთა, როცა აშშ-ის პრეზიდენტმა საჯაროდ დაუჭირა მხარი დემონსტრანტებს. თეირანმა გაეროს მიმართა „ჩარევის“ შესაფასებლად და გააფრთხილა ვაშინგტონი, რომ პასუხად შეიძლება დაარტყას რეგიონში აშშ-ის სამხედრო ბაზებს.

28 დეკემბერს დაწყებულ დემონსტრაციებს მალევე შეუერთდნენ სტუდენტები და სხვა ჯგუფები; ზოგ ქალაქში გაისმა ხამენეის კრიტიკაც. შეტაკებებში სულ მცირე 9 ადამიანი დაიღუპა და რამდენიმე ათეული დააკავეს, ათობით კი დაშავდა.

ირანის ხელისუფლება ძალადობაზე პასუხისმგებლობას „პროვოკატორებს“ აკისრებს, მაშინ, როცა აშშ აცხადებს, რომ პროტესტი ხალხის „ლეგიტიმურ მრისხანებას“ გამოხატავს და დაპირებას იძლევა „მაქსიმალური ზეწოლის“ გაგრძელებაზე რეჟიმზე.

ანალიტიკოსების შეფასებით, ეს არის ყველაზე მასშტაბური პროტესტი ირანში 2022 წლის შემდეგ, როცა აქციები მაჰსა ამინის გარდაცვალებას მოჰყვა.