აზერბაიჯანმა საქართველოს გავლით სომხეთში ნავთობპროდუქტების მეორე პარტია გააგზავნა. ინფორმაციას აზერბაიჯანული მედია ავრცელებს.

მედიის ცნობით, სომხეთისკენ 2 698 ტონა ნავთობპროდუქტებით დატვირთული 48 ვაგონიანი მატარებელი მიემართება. მატარებელმა სომხეთში უნდა ჩაიტანოს 1 742 ტონა ბენზინი და 956 ტონა დიზელის საწვავი.

აღსანიშნავია, რომ ნავთობპროდუქტების პირველი პარტია აზერბაიჯანმა სომხეთში საქართველოს გავლით დეკემბერში გააგზავნა. საქართველოს პრემიერ-მინისტრ ირაკლი კობახიძის გადაწყვეტილებით, საქართველოს რკინიგზამ აზერბაიჯანული საწვავის სომხეთში სარკინიგზო გადაზიდვა ერთჯერადად სრულიად უსასყიდლოდ განახორციელა.