ევროკავშირი ღრმა კრიზისშია, - განაცხადა სლოვაკეთის პრემიერ-მინისტრმა. ბრიუსელისთვის მთავარ პრობლემად რობერტ ფიცომ უსაფრთხოების სისტემის დასუსტება, წევრ ქვეყნებს შორის არსებული უთანხმოებები და გლობალური საფრთხეები დაასახელა.

„ევროკავშირი არასდროს მდგარა ასეთი საფრთხეების წინაშე, არასდროს ყოფილა ასეთი დასუსტებული, უმწეო და დანაწევრებული. საკითხავია, შეძლებს თუ არა ევროკავშირი გახდეს გლობალური მოთამაშე თუ უბრალო მაყურებლად დარჩება, რომელიც გვერდიდან უყურებს მოვლენებს და მათზე გავლენის მოხდენა არ შეეძლება", - აღნიშნა რობერტ ფიცომ.