მათ, ევროკავშირს საქართველოს კონსტიტუცია და საქართველოში მშვიდობა და დემოკრატია კი არ აინტერესებთ, აინტერესებთ რევოლუცია, რომელიც მარიონეტული ხელისუფლების მოყვანის საშუალებას მისცემს, რომ მეორე ფრინტის ჩავარდნილი სცენარი ახლიდან გააცოცხლონ, - ამის შესახებ „ქართული ოცნების“ დეპუტატმა, ირაკლი ქადაგიშვილმა ჟურნალისტებთან განაცხადა, რითაც უპასუხა შეკითხვას: „რა გზავნილია, როცა ევროკავშირის საელჩო დროშის დღეს გვილოცავს და მისალოც ვიდეორგოლში აქციის კადრებია გამოყენებული“.

მისი თქმით, ეს არის სწორედ ის გზავნილი, რის გამოც „ქართული ოცნება“ ევროკავშირს და მის ჩინოვნიკებს აკრიტიკებს.

„ეს სწორედ ის გზავნილია, რაშიც ჩვენ ევროკავშირს და მის ჩინოვნიკებს ვაკრიტიკებთ. მათ საქართველოს კონსტიტუცია და საქართველოში მშვიდობა და დემოკრატია კი არ აინტერესებთ, აინტერესებთ რევოლუცია, რომელიც მარიონეტული ხელისუფლების მოყვანის საშუალებას მისცემს, რომ მეორე ფრინტის ჩავარდნილი სცენარი ახლიდან გააცოცხლონ. ამის რეალური მიზანი და მიზეზი ეს არის, სხვა არაფერი“, - განაცხადა ირაკლი ქადაგიშვილმა.