ლონდონის საფონდო ბირჟაზე ბოლო, 23 იანვრის ვაჭრობის შედეგად, ორი ქართული კომპანიის აქციების ფასები შემცირდა, ხოლო ერთის გაიზარდა. 

უფრო კონკრეტულად, LION FINANCE GROUP PLC-ის (საქართველოს ბანკი) აქციების ფასი 1.43%-ით შემცირდა და ერთი აქციის ფასმა 96.45 გირვანქა სტერლინგი შეადგინა. კომპანიის საბაზრო კაპიტალიზაცია ამჟამად 4.248 მლრდ გირვანქა სტერლინგს აღემატება.

ამასთან, TBC Bank Group PLC-ის საბაზრო კაპიტალიზაცია 2.259 მლრდ გირვანქა სტერლინგს აჭარბებს. ერთი აქციის ფასი ბოლო მონაცემებით 40.45 გირვანქა სტერლინგია, რაც 0.12%-იან კლებაზე მიუთითებს.

რაც შეეხება Georgia Capital PLC-ს, მისი აქციების ფასი 2.35%-ით გაიზარდა და ერთი აქციის ღირებულება ბოლო ვაჭრობის შედეგად 32.70 გირვანქა სტერლინგს შეადგენს. ამ ეტაპზე კომპანიის საბაზრო კაპიტალიზაცია 1.110 მლრდ სტერლინგს აჭარბებს.