ისრაელის საელჩო საქართველოში თბილისის ანძის ირანის დროშის ფერებში ანთებას გამოეხმაურა. ისინი წერენ, რომ მაშინ, როდესაც ირანის მკვლელი რეჟიმი თავისუფლებისა და დემოკრატიისათვის მებრძოლ ათასობით მოქალაქეს ხოცავს ქალაქის ქუჩებში, თბილისში გადაწყვიტეს ამავე რეჟიმთან ერთად ირანში ისლამური რევოლუციის წლისთავი იზეიმონ.
"მაშინ, როდესაც ირანის მკვლელი, ტერორის მხარდამჭერი რეჟიმი ათასობით ადამიანს ხოცავს თავისი ქალაქების ქუჩებში, ჩაგრავს საკუთარ მოქალაქეებს და აქტიურად არის ჩართული ტერორისტულ საქმიანობაში როგორც რეგიონში, ისე მთელ მსოფლიოში, თბილისში გადაწყვიტეს ამავე რეჟიმთან ერთად ირანში ისლამური რევოლუციის წლისთავი იზეიმონ მთაწმინდის ანძის ირანის დროშის ფერებში განათებით.
რა გზავნილია ეს თბილისისგან რეგიონისთვის, მსოფლიოსა და ირანის იმ მოქალაქეებისთვის, რომლებიც ამდენი ხანია თავისუფლებისა და დემოკრატიისთვის იბრძვიან?" - ნათქვამია განცხდაებაში.
გუშინ, 11 თებერვალს, ირანის ისლამური რევოლუციის წლისთავზე, თბილისის ანძა ირანის დროშის ფერებში განათდა.